احلا عشر ايام في الكويت

ابي احط بعض الصور
لأن اكثر الصور شخصيه ومقدر احطهم

 

سريع وخفيف

 

هذا عشاي امس   طاجن لحم 

بابا  غنوج  متبل   سلطة ذره

 

 

موميرا الرشيقه

اهلين حبايب قلبي
من زمان  عنكم بس اكيد مانسيتكم
بلشت رجيم لأن جسمي خرب من الغده وقلت لازم اسوي حميه  وقريت من النت ومن المجلات وشفت وصفات كثيره بس
انا اخذت المهم منهم وابشركم نقصت سبع كيلو في شهر ونص
والحين  اكتب شنو اكل وشنو اترك
اول شي السكر ممنوع الملح نقلل منه
كيكاو وكيك كله ممنوع
الخبز الأبيض و المكرونه  البيضه الي مو سمره ممنوعه
وش تاكلين
الخبز البر  بس مو اي بر لازم تشوفين شكله   فيه بعض الخبز تحسين  خبز ابيض بس لونه بني هذا ياحلوين صبغه
الخبز الزين يكون زي النخاله فيه بنات يشبع بشكل مو طبيعي اول ماتاكلينه ما يعجبك بس بعدين يصير عادي 
والمكرونه بعد البر حلوه وطعمته حلوه حيل
صح نسيت الزيت ابتعدي عنها  وبداله يكون زيت الزتون
الجبن قليل الدسم والحليب بعد والزبادي كلهم قليل الدسم
العصير وخري عنه الا اذا تسوينه في البيت
بس الاناناس دايم الجاهز يكون بدون سكر عشان كذا خليه بدال المشروبات الغازيه وبدال العصائر
وسوي رياضه الصبح  يصير جسمك يحرق ثمان ساعات بعد الرياضه
والفواكه خليها قبل الساعه 11ونص الصبح تكون اسرع في الهضم
واهم شي المكسرات  فيها دهون مو مشبعه تفيد جسمك بس لاتكون محمصه عشان الملح وخوذي مقدار قبضة اليد
واشربي ماء والشاي والقهوه عادي اشربيهم بس بدون سكر لأن مافيهم سعرات حراريه
والرياضه مشي نصف ساعه بس على السريع 
والله يابنات تنحفون انا شخص مو اي شي ينحفه عشان الغده بس الأدويه
ونصيحه لكم حبوب زهرة الربيع حلوه للبشره ولشعر
وفتامين دال  مهم بعد وحبوب كبد القد وبس 
وراح اكتب تفاصيل الرجيم لكم وطبخات للرجيم ماتلوع   الكبد

إدام الدجاج والبطاط

ومثل ماوعدتكم حبايب قلبي
المتجدد والجديد والعجيب والغريب ستجدوه عندي هههه بياعه الاخت
انا من عشاق الطبخ الهندي والصيني
وامس وان اتعشاء اخوي كان جايب ربيان يجنن صيني مقلي بالزيت
وانا قاعده بس اكل الوحده واشوف شلون طيب اذا حطيت كذا على كذا وش يصير
اهم شي بعد بحث وتدقييق لقيت الطريقه 
بس ما راح انزلها لحد ما اصورها لكم
اليوم انزلكم عشقي الاول الهندي
الإدام الهندي سويته قبل ما نسافر بيومين او يوم
المهم 
الإدام هذا تحفه ونوعت فيه في اكثر من شكل هو العنصر الاساسي الدجاج والبطاط 
بس مره حطيت معه باذنجان مشوي وطلع حلو حيل
والمره هذي حطيت شوية حليب جوز هند

يالله نبدي في الطلبات اللازمه
اول شي دجاجه مقطعه صغار بدون جلد
نشوحها في زيت وبعدها بصل صغار ونحرك لحد ما يتحول لون الدجاج الى الأبيض
بعدها نجيب بطاط صغر ونحطه مع الدجاج ونحرك
وبعدها الكاري والكركم والملح و الاجي و ورق الغار

 ونحط فوقه ماء ساخن ونسكر قدر الكاتم بس لا تكثرون الماء وخلوه عشر دقايق
او افتحي الكاتم وشوفي  بس لا يذبل الدجاج
المهم بعد ما شفتي الدجاج استواء جيبي حليب جوز الهند نص علبة مكاتي السايل  وحطيها فوق الدجاج وحركيه وحطي ثومه مدقوقه وفلفل رومي مقطع شرائح و وشوية ريحان
وحركيه شوي وراح تلاحضين البطاط ذبل و شكل الإدام صار ثقيل بس انتبهي انتبهي الدجاج لا يذبل والأيدام مايصير خفيف

وفي الف صحه وعافيه على قلوبك

سلطة الشمندر اللذيذه

سلطة الشمندر
حلوه ومغذية
اول شي نطبخ الشمندر لحد ما يستوي او نشتري جاهز
نقصص الشمندر صغار
وبعد ما يبرد نحط معها ذره وزيتون وعصير ليمون و زبادي وماينيز
واول طبقه نحط ملفوف بنفسجي
وثاني طبقه نجيب خبز التورتيلا ونقليه بالزيت بعدين نصفيه ونحطه الطبقه الثانيه
وخليط الشمندر الطبقة الثالثة
وبعدها نرشة بالبقدونس
وبالهناء والعافيه
والتصوير سريع مدري ليش اكون مروقه بالتصوير وقت الغرف بسرع بسرع
ههههههههههه
يالله تحملوني لحدما يصير تصويري عدل

صوص الطماط

الشي الغريب انا نعتمد على الصوص الي من الجمعية ونترك وصفات قديمه وجديده
انا لما اروح للجمعيه احرص على انوع  الصوص واشتري كل شي غريب واجرب
عشان كذا هذا الصوص الثالث من اختراعي
فيه صوص شريته قبل فتره وشفت المقادير حقته العجيب ان المقادير تختلف نهائي عن الطعمه قلت خلاص بنسوي
نفس المقادير بختلاف طفيف
المهم جبت طماط وثوم وفلفل رومي

 هنا حطيت الطماط والثوم في الصينيه وحطيت فوق كل طماطه فلفل حار مطحون وملح وزيت ذره

 وبعدها دخلتهم الفرن وشغلته من فوق ومن تحت وخليتها لين تحمر ولما تغير لونه من تحت قلبت الطماط
ولما طلعته من الفرن الطماط ذبلان حيل والثوم بعد بس فيه شي راح تستغربونه الثوم راح احطه في المطحانه مع القشر حقه
لأنه مفيد وله طعمه حلوه في الصوص
و بعد كذاء اجيب فلفل رومي واشويه على عين الغاز انا حطيت فلفلتين
وبعد ما يذبل نشيل البذور والراس ونحطه في المطحانه مع الطماط والثوم والخل البلسمك لحد ما يعطينا صوص مو متكتل
وبعدها نحفضه في الثلاجه

انا حطيته في علبتين وحده علبت صوص والثانيه علبه عاديه
وريحته تجنن احلا من الي نشتريه من براء
وعافيه على قلوبكم واي استفسار انا راح اجاوبكم

ربيان في دبس التمر

  ربيان في دبس التمر هذي معقوله تجي اجاوبكم واقول ايه دبس الرمان نستعمله في كل شي لاكن التمر محكور على اشياء معينه
اول شي المفروض نعزز قيمته ونخترع فيه اشياء جديده نفس التمر الهندي وصوص الصوياء الي كل شي دخلناه فيه
بدون طول سيره الربيان هذا خفيف وحلو وتقدرين تقولين طعمت دبس التمر ما تكون فيه كلش انا استخدت ربيان الكبير حلو حيل

 نحضر الخضار فلفل رومي ثلاث الوان وجزر وثوم وبصل

 ونطحنهم في المطحانه ونحط معهم جوز الهند

 وهذا شكله

 وهنا نحطه على النار ونحرك لحد ما تذوب الخضار

 نجهز دبس التمر ودبس الرمان ونحط ملعقه من كل شي وفيه هنا مكاتي جنبري مقلي ريحته تقرف بس نكهته رهيبه
والله ما تصدقين بس لا تكثرين منه شوي تحطين ونسيت اصور لكم صلصة الصوياء

 وهذا شكله بعد ما حطينا الصوص والبهرات والملح والاجي ونطلعه ونحط زيت ونجيب الخضار جزر وبصل وفلفل رومي ثلاث الوان ونشوحهم

 وهذا شكلها

 ونحط الربيان ونحرك

اذا الربيان استواء احط المشرم

 وبعدها الصوص ونحرك لحد ما تتجانس كل المقادير

 وبعدها نقدمها

وصحه وهناء على قلوبكم جربوها ما راح تندمون

القادم احلا

حبايب قلبي يسعدني تواجدكم وهذا شرف ودعم كبير لي
مواضيعي الجايه 
عندك طماط كثير وخايفه يخرب لا تحتارين عندي الحل 0-0؟؟؟؟؟؟؟؟؟؟
ربيان مع صوص جديد وغريب مع دبس التمر عجيب صح ؟؟؟؟؟؟؟؟؟؟؟؟؟؟؟؟
لا تبعدون عيونكم عن البلوق فيه خبايا واسرار في جعبتي كثيره
وقبل ما يروح عن بالي
اشكر كل شخص من امريكا
       والكويت الحبيبه والامارات الغاليه والسعوديه بعد روحي
 مشكورين حبايبي 

شورمه حلوه

الشورمه 
الاكله هذي تعددت طرقها واكيد مافيه احلا من المطاعم بس تدرون عن بلاوي المطاعم 
عشان كذا الشخص يسويها في البيت احلا واطعم 
والحين بعطيكم طريقه اخذتها من سوريه دقت على ولده في قناة بداية وعطته الطريقه
سراحه حلوه حيل وتسلم يدين الي اخترعتها
انا جربت طرق كثيره بس هذي احلا واطعم شي
فيه طريقة الدجاج المسحب بعدين نحطه في قدر ونحط في النص صحن زيت وداخله فحم ونسكر القدر عشان تطلع نكهت 
المدخن بس ما اعجبتني انا شفتها في اقلاع
المهم بلا سوالف وقرقه
نبدي في الخطوه الاولى وهي صدور دجاج نقطعها صغار
بعدين نشوحهم في مقلاه وبعدها نحط البهارات ونشوحوبعدها نقطع البصل شرائح ونحطهم مع الدجاج ونحرك
لحد ما يستوي الدجاج

الخطوه الي بعدها نجهز هرده او طحنيه سايله ومايونيز ونحركهم ونسكبهم فوق الدجاج
ونقلي بطاط ونحطه فوق الدجاج ونحرك
اخر خطوه مخلل خيار وخس نقصصهم ونحشي الخبز او الفطاير او السندويش او خبز مسح انتي وذوقك 
انا كنت مستعجله وحطيت خبز لبناني
سامحون على التصوير الزفت بس الاهل جوعانين وانا اطقطق في الكامره

وبالعافيه على قلوبك

اي سؤال انا جهازه للرد عليكم