الاثنين، 12 مارس، 2012

ام ريان

اعزمتنا اختي ام ريان على القهوه وتسلم يدينها
                                                   هذي الفطاير
                                               هذا حلا الماركه
                                                    هذا حلا جديد بس شكله حلو انا ما اكلت منه
    وهذا الحلا ثلاث انواع اول واحد انا اموت فيه وان شاء الله بسدح طريقته
     وبعد كانت مسويه حلا الاناناس الكذاب والبسبوسه المحشيه بس اقولها في الختام بيض الله وجهك على الشغل الحلو

صينة التوست

صينية التوست بالبطاط والباذنجان والفطر
انقصص الباذجان والبطاط بهذا الشكل ونقليهم بعدها نحط معهم الفطر الشرائح ونشوحهم  


    وبعدها نحضر اخر طبقه وهي علبة جبن مثلثات ثمان حبات وجبن شرائح اربع ومايونيز ثلاث ملاعق
وقشطة التاج وحدة ونص كوب ماء ونخطهم مع بعض بالخلاط
  ونتبل الخضار بالببركا وصلصة الفلفل الحلو والملح والشطة والكتشب بس ملعقة وثوم مطحون مع ملعقة بهارات الكفته
 ونخلطهم ليما يتغير لون الخضار من الببركا
    
 بعدها نشيل حواف التوتست ونحطه بالصينية

                                                             ونحط الحشوة فوقه
                            بعدها نحط التوست ونحط الصلصه البيضة الي سويناها
              وندخله على الفرن ونشغله من فوق ومن تحت لحد ما يحمر وتقدم بالعافيه بس لازم مشروب غازي معها لانها دسمه
      على قولتي المعزز للأكله هو الببسي

نونا تفنن


هذا الحلا نونا مسويته لما سيرنا على اختي واخذت الطريقه من فاغره الاقلاع

والتصوير ما كان حلو بس لازم اوريكم شكله لانه سراحه جنان

وهذي الطريقه انقلها لكم
في القاعده كيك امريكانا كاكاو مفتت
وشربي كل كاس بملعقه نسكافيه مذوب في مويه

الخلطه البيضاء
بالخلاط:
علبه قشطه
6 جبن كيري
2 دريم ويب
شوي حليب يمكن فنجان
الخلطه البنيه:
بالخلاط
4 اصابع تويكس
2كراميل
1 دريم ويب
1 قشطه
شوي حليب يمكن نص فنجان

لازانيا

لازانيا على طريقتي وسريعه وحطيها بالفرن وانسيها
    اول شي جهزي مرقت طماط وبصل وحطي بهراتك والملح
    ومرقت الطماط تكون الطبقه الاولى
    بعدها نحط الازانيا
 وبعدها اللحم المفروم
  وبعدها نسوي الصلصه البيضه وتكون من حليب بودره وجبن مثلثات  ودقيق وزبده وماء ونحرك لحد ما تكون بالشكل هذا
  ونحط لازانيا وفوها الصلصه البيضه وبعدها لازانيا
  وبعدها لحم مفروم وبعدها لازانيا وفوقها الصلصه البيضه ونسكر القصدير وندخله الفرن ونعرف انه استواء ندخل شوكه
ونشوف اللزانياء استوت واذا استوت نحط جبن مبشور ونشغله من فوق
 وبعد ماتخلص نقدمه وعافيه على قلوبكم وانا استخدمت لازانيا قودي

مكرونة القواقع

 صينية مكرونة القواقع
نقصص الخضار مكعبات ونقليهم والخضار على حسب رغبتك انا حطيت كوسة وباذنجان وجزر وبطاط

   نسلق المكرونة
                        نقصص الطماط والبصل صغار ونخلطهم مع الخضره بعد القلي ولا تنسين التوابل والملح
                                                      بعدها نحشي القواقع بالخضار
                       واخر شي الخلطه  الاخيره وهي عباره عن
                       ثلاث ارباع كوب جبن سايل
                      وعلبة قشطة التاج
                       ثلاث ملاعق مايونيز
                       اربع  حبات جبن كيري
                        زبدة 10 غرام الي تكون صغنونه وانتي تحطينها مايعذبك ضميرك
                         و توابل هي اجي و ورق ريحان ملح وثوم مجفف مطحون
                    ونخلطهم على النار  ونظيف ماء ونحرك لحد ما يكون صوص غليض
                        وبعدها نحط الصوص فوق المكرونة
                  ونقصدره وعلى الفرن من تحت واذا حمر نشغل النار من فوق ونضيف الجبن المبشور بس انتبهي لا يحمر زياده
 ونقدمه في هذا الشكل بالعافيه

مصقعة

سويت مصقعه حلوه
واتمنى تعجبكم




الطريقة
نزيل قشرت الطماط الخارجية
بصل شرائح
نحمر البصل والطماط لين يذبلون
ونزود البهرات والملح والاجي وورق الريحان  والصلصه
وشوية ماء وبعدها نكون مقشرين البيذنجان  ونقصها قطعتين ونقليها بزيت ولما تستوي
نحطها فوق الخليط ونحركه لين يصير في هذا الشك ونقدمه وبالعافيه

الأحد، 11 مارس، 2012

حمص

بسم الله الرحمن الرحيم
انا من زمان مانزلت بس كنت اصور اكلاتي عشان احطها في المدونه
واليوم نبدي في الحمص وهو اكله خفيفه ومفيده في نفس الوقت
نجيب حمص حب مسلوق كوبين بس يكون مهتري ذبلان من كثر السلق
بعدها ثلاث ارباع كوب هرده او طحينيه سايله  ونص كوب ماء
وليمنتين وزيت زيتون  ورشة ملح
كلهم نطحنهم مع بعض ونقدمها في الهنا والعافيه  واذا كانت حموضت الليمون مو عجبتك زيدي