السبت، 17 ديسمبر 2011

سلطة الكفته

    
سلطة الكفتة
الطبقه الأولى
خبز مربعات صغيره محمر بالزيت
الطبقه الثانيه
بصله +طماطه +جزره  نفرمهم فرم ناعم ونظيف لها شوية ماء ونظيف بهارات الكاري وشوية ملح
ونطبخم بس لين يتسبكون ويصير نفس الصوص الثقيل
الطبقة الثالثة
خس شرائح
الطبقة الرابعة
زبادي +مايونيز
الطبقة الخامسة
وهي المهمه الكفته وهي سهله وتقدرين تحظرينها من الليل وقت الاستخدام تطلعينها
وهي  مكوناتها لحم مفروم+(بصله +بقدونس  مفرمه فرم ناعم  )
+ صمونه وحده مفرومه+بيضه  وتعجن وتشكل اصابع وتوضع بالبايركس بالفرن لين تحمر
وبعد ما نحظر كل الطبقات نبداء نرتبهم بالصحن
بس انا ها المره حطيت الكفته  فوقها ما يونيز والزبادي عاد كل شخص له حرية الاختيار
الا الطبقتين الأولات لازم يكونون هم القاعده وبالعافيه
شكله من قريب

فطيرة الكبير

 سراحه هاذي الفطيره جباتي  حيل حلوه لوقت الزنقه

سلطة ثقيلة


سلطه  ثقيلة
المجموعة الأولى
خس شرائح – مرتدلا  شرائح – زيتون شرائح  - ذره
- -- - - -  - - -
المجموعة الثانية
خل +مايونيز+زبادي+شطه حاره
نخلطهم مع بعض ونحطهم فوق المجموعه الأولى
ونزينها في السماغ والبقدونس

الصوص





الي سألو عن اشكال الصوص هاذي اشكالهم

كرات اللحم بالماشرم


                                    
     من قريب



 

كرات اللحم  بالمشرم
1-لحم مفروم
1 حبه صامولي توضع في المطحانه تصبح مثل  البقسماط
حبة بصل  + بقدونس = تفرم في فرامت البصل فرم ناعم
بهارات ملح  تعجن مع بيضه وتكور ثم تغلف في الدقيق الأبيض
المرحله الثانيه
نجيب زيت ونحطه في التاوه  ونحمر الكرات
وبعدها نحطها في بايركس
ونترك الزيت الي في التاوه ونظيف عليه ملعقه ونص دقيق ابيض
ونحركه لين يتغير لونه لذهبي ونظيف بصله كبيره شرائح ونحرك  ونظيف ملح
ونحرك ونخليه لين يذبل البصل بس انتبهي لا يحترق وبعدها نحط الفطر الشرائح علبه كامله
ونحركه ونجيب الماء الي في الفطر ونظيفه ونحط صلصة الصوياء والبهارات وصلصة التتبيلة فرشلي
 ونحركه لين الصلصه تكون غليظة
ونظيفها فوق كرات اللحم وندخله الفرن لمدة عشر دقايق ونطلعها من الفرن ونقدمها مع الخبز او الرز

الجمعة، 16 ديسمبر 2011

مقلوبه ميرو

سراحه المقلوبه هذي شهيه بشكل مو طبيعي والي يسوي رجيم حلوه لأن مافيها زيت كثير
اول شي نقطع الدجاج صغار مع الجلد
ونتبله والتتبيله مهمه لاتقولين بحذف شي لأن لذتها في محتويات الصلصات
نبداء 
ماركت فرشلي منها ثلاث صلصات
1-  صلصة التتبيل اللحم السمك الدجاج
2-صلصة  تتبيلة أجنحة الدجاج
3- الترياكى
(وصلصة اسمها Tabasco  صلصة فلفل الشابيتول )
ناخذ كل وحده من الصلصات ملعقتين
صوص صوياء خل تفاح اجي ملح كاري
نحركها مع بعض مع الدجاج
ونتركها ساعتين
وبعدها نجيب قدر ونحط فيه الدجاج والتتبيله ونحركه على نار هاديه
ونحط فوقه بصلتين شرائح ونحركهم مع بعض
ونغطي القدر ونتركه على نار هاديه
واذا شفتي الدجاج استواء حطي الفلفل الرومي الجوانح وكركم ملعقه
وحركيه راح يطلع زي الصوص الثقيل حركيه لحد ما يتكرمل
وتركيه وسكري النار وندخل الخطوه الثانيه وممكن نسويهم نفس الوقت
نجيب رز ونطبخه مع ملح واجي بس ونخليه لين يستوي ويصير نثري
ونحطه فوق الدجاج بالقدر ونضغط عليه عشان اذا قلبته ما يخرب شكله
ونحطه على نار هاديه ونسوي حشو وهو بصل وزبيب وكركم ونحطه فوق الرز
بس راح تستغربون  تقولون ليش طيب ما راح يبين اهوا الحشوه للنكه بس ولا الشكل نرش بقدونس وبس
ونقلب القدر في النهايه وعافيه على قلوبكم


ربيان ومشرم

الربيان هذا حلو وصج تاكلين منه ما تشبعين
اول شي نجيب جزر وفاصولياء خضراء ونسلقهم نص استواء وبعدها
نشوحهم بزيت
ونضيف لهم الربيان ونحركه لحد ما يتغير لون الربيان
وبعدها نضيف المشرم ونكون مقطعين  الفلفل الرومي و والبصل شرائح ونضيفهم على الربيان
ونحط عليهم البهارات والاجي  وصوص الصوياء والكركم والملح
ونتركهم لحد ما يتسبكون
وبعدها نجيب ماء ونحط فوقه نشاء ونحركه وونحطه فوق الربيان ونحركه مع الربيان وياخذ خمس دقايق
وبعدها نحطه بصحن التقديم وصحتين

سمك نونو



السمك مع الربيان نتبلهم في خلطه وهي عباره عن
اول شي نجيب ليمونه ونقسمها نص النصف الأول نحطه بالخلاط والنص الثاني نشيل القشر ونحط الليمونه مع الثانيه بالخلاط
ونحط معها خمس فصوص ثوم  وبقدونس وبصله وطماطه مع فلفل حار نشيل الحبوب ونحطها كامله
ونخلطهم كلهم 
وبعد مايخلص الخليط نحط معه جميع البهارت والملح 
ونتبل السمك والربيان ونتركهم لحد وقت الأستعمال وكل ما طول بالتتبيل صار احلا
وقت الأستخدام
نغطي السمك والربيان في الدقيق والدقيق هنا نحط معه كركم عشان اللون 
ونقليه بالزيت الغزير لحد مايستوي
ونقدمه مع الرز الأبيض والدقوس وصحتين

الجمعة، 9 ديسمبر 2011

برستد الدجاج بصوص المكسرات

الطريقة 
قطعي الدجاجه عشر قطع
تبليهم في صوص المكسرات والملح مدة ساعتين
نغمسهم في البيض
وبعدها نكون طاحنين شابوره ونغلف الدجاجه بعد البيض بالشابوره
وبعدها نقليها في الزيت ونقدمها بالهنا والعافيه

صوص المكسرات العجيب


اول شي الصوص من اختراعي والصوص سويه وحطيه بالثلاجه  وحطي فوقه زيت ما يصير فيه شي

المقادير
4\1 ك  فول سوداني
2\1ك لوز 2\1 ك كاجو
1-طمط
1-فلفل رمي
1-بصل  1- ثومه كامله مع القشر
جوزة الطيب
اجي
كاري
ملعقة سكر
صوص الصويا
ورق الغار
الطريقة
نجيب المقلاه ونحط فيها المكسرات ونحمص المكسرات
بعدها نحط كل المقادير ونخليها على النار لين يذبلون كل المكونات
ونخلطها بالخلاط ونحطها في علبه ونحط فوقها زيت زيتون ونحطها بالثلاجه
لوقت الاستخداموراح انزل برستد الدجاج  المتبل بالخلطه

كيكة نونو

كيكة نونو احلا كيكه اول شي ابي اسدح الصوره لكم
المقادير
3-بيض
ثلاث ارباع ك  عصير برتقال
ك سكر
كوب ونص دقيق
م ص هيل
فانيلا
ملعقة بشر ليمون
م ص باكنج بودر
نص ك زيت
الطريقه
خفق البيض بعدها وضع السكر وخفقه وبعدها الزيت وبشر الليمون
ووضع باقي المقادير  ونخفقهم ونضعهم في صنيه مدهونه بالزيت ووضعها بالفرن 
وبعد ما تخلص نرش عليها سكر بودره وتقدم بالهناء والعافيه

الاثنين، 28 نوفمبر 2011

صينية الخضار باللحم

       الطريقه
1- نحط زيت في القدر ونبدا نحرك اللحم لين يتغير اللون
 وهاذي الخضار نقسمها قسمين الأول البطاط والباذنجان والجزر والثوم نحطهم مع اللحم 
الطماط والبصل والفلفل الرومي نحطهم بعد ما يستوي نص استواء
               
 بعد ما وضعنا الخضار نحط فوقه الماء الساخن والملح والأجي والبهارات الفلفل الأسود ورق الغار   ونقصر على النار
 
   واهم شي واحلا نكهه نجيب طماط وثوم وبقدونس ونحطهم بالخلاط ونزود عليهم معجون طماط وبعدها نسكبهم على اللحم


                وبعد ما يستوي نحطه في صينية الفرن ونشقل العين العلويه لين يحمر ويصير هاذا شكله
الف صحه على قلوبكم

السبت، 26 نوفمبر 2011

دجاج تكا على طريقة momyra

دجاج تكا على طريقتي
                                        دجاج بدون جلد 
     نجيب صحن نحط فيه كركم بهارات  ملح اجي ورق الغار  وملعقتين زبادي كتشب ملعقتين
 زيت زيتون نخلطهم مع بعض ونتركهم على جنب ونجهز الخطوه الصوص الثاني
      الصوص الثاني وهو عباره عن 2 جزر متوسط الحجم  طماطه وفلفل رومي وحده
                               نخلطهم مع بعض مع ثوم وشوية ماء
نحط الصوص ونتركه ساعه
                الخطوه الرابعه نحمس البصل مع 2 فص ثوم  وفلفل حار لين يصير اشقر
      الخطوه الخامسه نظيف فوق البصل  الدجاج ونحركه ونغطيه ونتركه لين يستوي
     بدون اظافت ماء لأن الدجاج يتشرب الخضار ويستوي من البخار واذا كان الدجاج
                                        مبرد يكون احلا
          وهاذا شكله في النهايه مع الرز  والدقوس البارد صحه وعافيه على قلوبكم

الجمعة، 25 نوفمبر 2011

اللحم & البصل

   اللحم مع البصل

نقصص اللحم بالمقص المخصص للحم وتكون القطع صغار
 
                بعدها نحمسها مع الزيت ونظيف ماء عليه ونتركه لين يستوي


          وبعدها نحط الفلفل الرومي والفلفل الحار والبصل الشرائح والبهارات 
          وصوص الصويا وكركم واجي وملح وفصين وثوم مبشور ونحمسهم
                                          
                                وهذي طريقة التقديم وبالعافيه

الأحد، 25 سبتمبر 2011

الفلافل

  الفلافل
 
المقادير

 
حمص حب خمس اكواب

 
حزمت بقدونس

بصله

 
ثلاث فصوص ثوم

ملعقة ثوم بودر


 
كمون ملعقه صغيره

 

باكنج بودر ملعقه وملح على حسب الرغبه

بيضه

 
بالمطحانه كلهم مرتين نطحنهم بعدين نخليهم يختمرون وبعدها نقليهم بالزيت

 

الشي الثاني صلصة الطحينيه او الهرده

طحينيه سايله ملعقه

مايونيز ملعقه

علبة زبادي

 
زيت زيتون وعصير ليمون ونخلط ونقدمها مع الفلافل